ଏକ ଶିଶୁ ଭିକ୍ଷୁକ ପ୍ରତି

ପିଲାଦିନର ଖେଳଘର ଭାଂଗି ବୟସ ପାଦେଇଯାଏ ବାଲିବନ୍ଧ ଡେଇଁ

ଦୁ:ଖ କିଏ ଶୁଣେ ଏମାନଂକ କଳିକା କୁସୁମ ଏମାନେ |

ମୁଠାଏ ଭିକ୍ଷାରେ ଏମାନେ ହୁଅନ୍ତି ବା ତୋଷ

ଦିନ ଗଣି ଗଣି କୋମଳ ଅଧରେ ହାଇନିଭେ ତାଂକ କାତରତା ପ୍ରାଣେ

ଆଉଜି ଯାଆନ୍ତି ଏମାନେ ଭିତଗ୍ରସ୍ତ ବିହଂଗଟେ ପରି

ଖୋଜିବୁଲିବାକୁ ଆହା ଭିକ୍ଷାର ପସରା |

ବାପା କାନ୍ଦେ ଭିକ୍ଷା ନେଇ ଆହା କି ବିଷାଦେ

ଅବସନ୍ନ ମନତାର ପାଦେ ପାଦେ ଧକ୍କା ଖାଏ ରୋଗୀଣା ବୟସେ

ପାପ ତାପ ମଧ୍ୟେ ନିର୍ବାଣ ପରିକା କ୍ଷୀଣ ଅନ୍ଧକାରେ

ବଞ୍ଚିବାକୁ ଏ ସମୟେ ଶୀତଳ ସମୀର ପିଇ ସମୟ ଓଠରୁ |

ବିବାଦୀୟ ନାୟକ

ମୁଁ ଜାଣେ, ଏହି ଶୁନ୍ୟସଂପଦ ଜୀବନରେ

ଆତ୍ମାଟି ଶୋଇଯାଏ ଦିନେ ନିଜ ହଂସୁଳୀତୁଳିରେ;

ଜୀବନଟା ପ୍ରକୃତ, ଐକାନ୍ତିକ ଆନ୍ତରିକ;

ମଣିଷର ସମାଧି ତା’ର ଲକ୍ଷ୍ୟସ୍ଥଳ ନୁହେଁ;

ମଣିଷ ହରାଇ ଥାଏ ନିଜ ମାନବତ୍ୱକୁ -

କ୍ରୋଧ, ଦୁ:ଖ ଓ ଲୋଭରେ |

ପ୍ରତିଶୋଧ

ଜୀବନ ସାଗରରେ ଭାସୁଥିବା ମୋ ନୈସର୍ଗିକ ପ୍ରେମସବୁ

ବିଶ୍ୱାସ ଘାତକତାର ଜୁଆର ଭଟ୍ଟାରେ ଧକ୍କା ଖାଇ,

ଘୃଣାର ଭଉଁରୀରେ ଡୁବିଲା ବେଳେ

ପ୍ରତିଶୋଧର ତକ୍ଷକୀୟ ଜ୍ୱାଳା

ହାତଧରି ଟାଣି ଆଣିଥିଲା ଉପରକୁ |